എന്റെ പ്രിപ്പെട്ട കൂട്ടുകാരെ...................... നമുക്ക് ഇന്നു ചില ബ്യൂട്ടിപാര്ലര് വിശേഷങ്ങള് പങ്കുവയ്ക്കാം അല്ലെ?
ഇന്നത്തെ തലമുറയില് ബ്യൂട്ടിപാര്ലര് ആര്ഭാടമാണോ? അല്ല...,അല്ലേ ?........അത് അത്യന്താപേക്ഷിതമായ ദിനചര്യയുടെ ഭാഗം തന്നെയാണ്.എല്ലാവരും പാര്ലറില് പോകുന്നു.ആവശ്യമായ ട്രീറ്റ് മെന്റ്സ് എടുക്കുന്നു.എന്നാല് ട്രീറ്റ് മെന്റ്സിന്റെ ഗുണങ്ങള് എന്താണെന്നോ,അത് എടുക്കേണ്ടതിന്റെ ആവശ്യകത എന്താണെന്നോ ,അവിടുത്തെ പ്രവര്ത്തന രീതികള് എങ്ങിനെയാണെന്നോ പലര്ക്കും അറിയില്ല.ആരും അന്വേഷിക്കാറുമില്ല.ബ്യൂട്ടീഷന് പറയുന്നു....നമ്മള് അനുസരിക്കുന്നു....അത്ര തന്നെ.....കൊടുത്ത കാശിനു തക്ക മൂല്യം ലഭിക്കുന്നുണ്ടോ...അതും അറിയില്ല......
ഞാനും ഒരു ബ്യൂട്ടീഷനാണ്.ബ്യുട്ടി പാര്ലര് ഒരു ബിസ്സിനസ്സും ആണ്.എല്ലാ ബ്യൂട്ടീഷന്മാരും മോശം പ്രവര്ത്തിക്കുന്നവരുമല്ല.....ബ്യൂട്ടീഷന് എന്ന നിലയിലും,ഒരു ക്ലയന്റ് എന്ന നിലയിലും എന്റെ അറിവിലും അനുഭവത്തിലും ബോധ്യമായ ചില കാര്യങ്ങള് ആണ് ഇന്നു ഞാന് നിങ്ങളോട് പങ്കു വയ്ക്കുന്നത്.നീരസം തോന്നുന്നവര് സദയം ക്ഷമിക്കുക.......
പ്രായഭേദമന്യേ ഏറ്റവും കൂടുതല് ആളുകള് പാര്ലറീനെ ആശ്രയിക്കുന്നത് ത്രെഡ്ഡിങ്ങിനാണ്.ബ്യുട്ടീഷന് ആവുന്നതിന് മുന്പ് എനിക്ക് സ്ഥിരം പണി കിട്ടിയിരുന്ന സംഭവം ആയിരുന്നു അത്....നല്ല കട്ടിയുള്ള കൂട്ടു പുരികങ്ങള് ആണ് എന്റേത്.ഇരിക്കേണ്ട താമസം...ചോദ്യവുമില്ല പറച്ചിലുമില്ല....നിമിഷ നേരം കൊണ്ട് അവര് അത് നൂലു പോലെയാക്കി തരും.പിന്നെ കത്രികയെടുത്ത് വെട്ടി ഉരുട്ടി തരും...ഹോ....എല്ലാം കഴിഞ്ഞ് മിറര് എടുത്ത് കൈയ്യില് തരുമ്പോള് ഇത്രയും നേരം ഇരുന്ന് കരഞ്ഞത് ഇതിനായിരുന്നോ എന്നോര്ത്ത് ശരിക്കും കരച്ചില്വരും...
പുരികം ഷെയ്പ്പ് ചെയ്യാന് പാര്ലരില് പോകുന്നതിന് മുന്പു ചില കാര്യങ്ങള് ഒന്ന് ശ്രദ്ധിച്ചാല് എന്റെ അനുഭവം നിങ്ങള്ക്കുണ്ടാവില്ല....നിങ്ങളുടെ മുഖത്തിന്റെ ആകൃതി,പുരികത്തിന്റെ വീതി,നീളം എന്നിവയെക്കുറിച്ച് ഒരേകദേശ ധാരണ നിങ്ങള്ക്കുണ്ടായിരിക്കണം.എന്നിട്ട് നിങ്ങള് ആഗ്രഹിക്കുന്ന ഷെയ്പ് എന്താണെന്ന് ബ്യൂട്ടീഷനെ പറഞ്ഞു മനസ്സിലാക്കണം.
പിന്നീട് ക്ഷമയോടെ ഇരുന്നു കൊടുക്കുക.സമയം എടുത്തു ചെയ്യുമ്പോള് മാത്രമെ രൂപഭംഗി കിട്ടുകയുള്ളു.വളരെ വേഗം പറിച്ചെടുത്താല് രോമം പോയിക്കിട്ടുമെന്നല്ലാതെ ഒരു പ്രയോജനവും കിട്ടില്ല....ഇനി ഒരു പ്രാവശ്യം ഇത്തിരി മോശമായിപ്പോയാല് അടുത്ത തവണ ഇത്തിരി വൈകിക്കുക....പുരികം നന്നായി വളര്ന്നു കഴിഞ്ഞ് എടുത്താല് മതി.
എന്റെ അനുഭവം നിങ്ങള്ക്കുണ്ടാകാതിരിക്കട്ടെ......
Thank u for ur valuable information.
ReplyDelete