എന്നാല്‍ ഹോം കെയറിന്റെ കാര്യത്തില്‍ എല്ലാവരും മടിയന്‍മാരാണ്.പെണ്‍കുട്ടികളെപ്പോലെ ഫെയ്സ് പാക്ക് ഇടാനും താളി തേയ്ക്കാനും ഒന്നും ഇവരെ കിട്ടില്ല.പക്ഷെ എല്ലാവര്‍ക്കും ബ്യൂട്ടി ടിപ്സ് ആവശ്യമാണു താനും.അതുകൊണ്ട് എന്റെ പുരുഷ സുഹൃത്തുക്കള്‍ക്ക് എളുപ്പത്തില്‍ ചെയ്യാവുന്ന ചില ടിപ്സ് ആണ് ഇന്ന് ഞാന്‍ പറഞ്ഞു തരുന്നത്.
ഹെല്‍മെറ്റ് നിര്‍ബന്ധമാക്കിയതോടെ താരനും മുടി കൊഴിച്ചിലും എല്ലവര്‍ക്കും ഒരു പ്രശ്നമായി മാറിയിട്ടുണ്ട്.മികച്ച ആന്റി ഡാന്‍ഡ്രഫ് ഷാമ്പൂ ആഴ്ചയില്‍ മൂന്നു തവണയെങ്കിലും ഉപയോഗിക്കണം.ക്ലിനിക് ഓള്‍ ക്ലിയര്‍(CLINIC ALL CLEAR),ഹെഡ് ആന്ഡ് ഷോള്‍ഡേര്‍ഴ്സ്(HEAD AND SHOULDERS) തുടങ്ങിയവ ഉപയോഗിക്കാം.ചൊറിച്ചിലും മുടി കൊഴിച്ചിലും അധികമാണെങ്കില്‍ ട്രീറ്റ് മെന്റ് ഷാമ്പൂ ഉപയോഗിക്കണം.
നിസ്രാല്‍(NIZRAL) ജോണ്‍സണ്‍ ആന്ഡ് ജോണ്‍സണ്‍ പുറത്തിറക്കുന്ന ആന്റി ഡാന്‍ഡ്രഫ് ട്രീറ്റ്മെന്റ് ഷാമ്പൂ ആണ്.ഇത് ഉപയോഗിക്കുമ്പോള്‍ അര മണിക്കൂര്‍ മുന്‍പെങ്കിലും മുടിയില്‍ വെളിച്ചെണ്ണയും( PARACHUTE) ആവണക്കെണ്ണ (CASTER OIL) യും ചേര്‍ന്ന മിശ്രിതം ചെറു ചൂടോടെ പുരട്ടാന്‍ മറക്കരുത്.ആഴ്ചയില്‍ മൂന്നു തവണ വീതം ആവര്‍ത്തിക്കണം.
(NIZORAL) നിസോറാല്‍ എന്ന ഷാമ്പൂവും ജോണ്‍സണ്‍ ആന്ഡ് ജോണസണ്‍ പുറത്തിറക്കുന്ന ആന്റി ഡാന്‍ഡ്രഫ് ഷാമ്പൂ ആണ്.ഇതില്‍ കണ്ടീഷണറും അടങ്ങിയിട്ടുണ്ട്.മിതമായ രീതിയില്‍ ഉള്ള താരന്‍ പോകാന്‍ ഇതുപയോഗിക്കാം.
മുഖത്തെ പാടുകള്‍ ,ചെറിയ വടുക്കള്‍ എന്നിവ നിശ്ശേഷം മാറാന്‍ മെഡെര്‍മ (MEDERMA skin care for scars) ഉപയോഗിക്കാം.വളരെ നല്ല റിസല്‍റ്റ് തരുന്ന ഓയിന്മെന്റ് ആണിത്.
നിറം വയ്ക്കാന്‍ ഫെയര്‍നെസ്സ് ക്രീം ഉപയോഗിക്കുമ്പോള്‍ വെയിലേല്‍ക്കുന്നതു കഴിയുമെങ്കില്‍ ഒഴിവാക്കണം. സണ്‍ സ്ക്രീന്‍ ലോഷനൊ, ക്രീമുകളോ ഉപയോഗിക്കുന്നത് പതിവാക്കണം.ലോട്ടസ്,ലാക്മെ,ജൊണ്‍സണ്‍ ആന്ഡ് ജോണ്‍സണ്‍, എവര്‍ യൂത്ത് തുടങ്ങീ നിരവധി ബ്രാന്‍ഡുകള്‍ സണ്‍സ്ക്രീന്‍ പുറത്തിറക്കുന്നുണ്ട്. SPF 30 യോ അതിനു മുകളീലോ ഉപയോഗിക്കാന്‍ ശ്രദ്ധിക്കുക.
ചുണ്ടുകളില്‍ ലിപ് ബാം അല്ലെങ്കില്‍ ചാപ് സ്റ്റിക് ഉപയോഗിക്കാം.കളര്‍ ഇല്ലാത്തത് വാങ്ങാന്‍ കിട്ടും.
പരുപരുത്ത കൈകള്‍ മൃദുവാക്കാന്‍ പഞ്ചസാര എണ്ണയോ നാരങ്ങാ നീരോ ചേര്‍ത്ത് കൈകളില്‍ എടുത്ത് പഞ്ചസാര അലിയുന്നത് വരെ നന്നായി തിരുമ്മുക.
കാല്പാദത്തില്‍ വാസലിന്‍ പുരട്ടിയാല്‍ വരള്‍ച്ച മാറിക്കിട്ടും.
No comments:
Post a Comment