പാര്ലറുകളില് ഇപ്പോള് നിരവധി ഫേഷ്യലുകള് ലഭ്യമാണ്.
ഡയമണ്ട്, പ്ലാറ്റിനം, ഗോള്ഡ്.സില്വര്, ചോക്ലേറ്റ്,ഫ്രൂട്ട്സ്....എന്നിങ്ങനെ.
ഇതില് ഏതാണ് നമ്മുടെ മുഖത്തിന് ആവശ്യം എന്നു മനസ്സിലാക്കി വേണം ഫേഷ്യല് ചെയ്യാന്.
കൂട്ടുകാരി ഗോള്ഡ് ചെയ്തതു കൊണ്ടൂ എനിക്കും ഗോള്ഡ് മതി എന്നു വിചാരിക്കരുത്.
നല്ല നിറമുള്ള (വെളുത്ത) ചര്മത്തിന് ആണ് ഗോള്ഡ് ചേരുന്നത്.ഇരുണ്ട നിറമുള്ളവര്ക്ക് പേള് അല്ലെങ്കില് സില്വര്,സ്കിന് ലൈറ്റനിങ്ങ് ഫേഷ്യല്സ് ഇവയിലേതെങ്കിലും തിരഞ്ഞെടുക്കാം.പാടുകള് മായുവാന് വെജ് പീല് ചെയ്യാം.തൂങ്ങിയ ചര്മത്തിനു തെര്മൊ ഹെര്ബ് ചെയ്യാം,ചുളിവുകള് മാറാനും ഇത് നല്ലതാണ്.20 വയസ്സിനു മുകളില് പ്രായമുള്ളവര് ഫേഷ്യല് ചയ്താല് മതി.കൌമാരക്കാര്ക്ക് ക്ലീന് അപ് ചെയ്യാം.ബ്ലീച്ച് മാത്രമായി ചെയ്യുന്നതിനേക്കാള് ഫേഷ്യലിനൊപ്പം ചെയ്യുന്നതാണ് നല്ലത്.ഫേഷ്യല് സൌന്ദര്യത്തിന് മാത്രമല്ല, ചര്മത്തിന്റെ അരോഗ്യം സംരക്ഷിക്കാനും നല്ലതാണ്.കുഴപ്പങ്ങളീല്ലാത്ത മുഖത്തിന് ഫ്രെഷ് ഫ്രൂട്ട് ഫേഷ്യലുകള് നല്ല ഫലം ചെയ്യും.മുന്തിരി,പപ്പായ,ഓറഞ്ച്,ഏത്തപ്പഴം എന്നിവ പാല്,തേന് എന്നിവയിലേതെങ്കിലും ചേര്ത്താണ് ഇത് ചെയ്യുന്നത്.സെന്സിറ്റീവ് ആയ ചര്മത്തിനും ഇത് ഗുണം ചെയ്യും.
അരോമ ഫേഷ്യലുകള് എല്ലാത്തരം ചര്മത്തിനും ചേരും.പാര്ശ്വഫലങ്ങള് ഇല്ല എന്നു തന്നെ പറയാം.
ഗാല്വാനിക് ഫേഷ്യല് തുടര്ച്ചയായി ചെയ്താല് നിറം വയ്ക്കുകയും പാടുകള് മാറുകയും ചെയ്യും.എന്നാല് ഇത് വൈകുന്നേരങ്ങളില് ചെയ്യുന്നതാണ് നല്ലത്.കാരണം ഗാല്വാനിക് ചെയ്ത ശേഷം വെയിലേറ്റാല് മുഖം കരുവാളിക്കും. ഫേഷ്യല് തനിയെ ചെയ്യുമ്പോള് മസ്സാജിന്റെ ഗുണം ലഭിക്കുകയില്ല.അതുകൊണ്ട് വൈദഗ്ദ്ധ്യം നേടിയവരെ കൊണ്ട് ചെയ്യിക്കുന്നതാവും നല്ലത്.ഫേഷ്യല് ചെയ്യാന് ആഗ്രഹിക്കുണ്ടെങ്കില് ആദ്യം ബ്യൂട്ടീഷനെ കണ്ട് സംസാരിക്കുക.നിങ്ങളുടെ പ്രശ്നങ്ങള്ക്ക് പരിഹാരം പറഞ്ഞു തരുന്നുണ്ടെങ്കില് മാത്രം ട്രീറ്റ് മെന്റ് എടുക്കുക.നമുക്ക് ആവശ്യമില്ലാത്ത വിലപിടിച്ച ഫേഷ്യലുകള് തലയില് കെട്ടിവയ്ക്കുവാന് അനുവദിക്കാതിരിക്കുക.ഫേഷ്യല് ചെയ്യുന്നതിന് ഉപയോഗിക്കുന്ന ക്രീമുകള് നോക്കാന് നിങ്ങള്ക്ക് അവകാശമുണ്ട്.വാങ്ങുന്ന പണത്തിന് തക്ക മൂല്യം പ്രവൃത്തിക്കുണ്ടോ എന്ന് ഉറപ്പാക്കുക.
ഗോള്ഡ് , ഡയമണ്ട് തുടങ്ങിയ ഫേഷ്യലുകളില് ബാക്ക് മസ്സാജ്, വെജ് പീല് ,ഗാല് വാനിക് തുടങ്ങിയ സ്റ്റെപ്പുകള് കിട്ടുന്നുണ്ടെന്ന് ഉറപ്പാക്കണം.ഉപയോഗിക്കുന്ന ക്രീമുകള് വിലയുള്ളതും,മികച്ച ബ്രാന്ഡ് ആണെന്നും നോക്കണം.500 രൂപ മുതല് വിലയുള്ള ഗോള്ഡ് ഫേഷ്യല് കിറ്റുകള് വിപണിയില് ലഭ്യമാണ്.ഷഹനാസ്, നേച്ചര് എസ്സന്സ് ,കായ തുടങ്ങിയവയ്ക്കു 2000 മുതല് വില നല്കണം.
No comments:
Post a Comment